Prima

Descubri mas tocante AZV su premie di seguro medico

Un sistema di cuido manera AZV cu ta encera tur hende di un pais (universal healthcare) ta algo costoso. Con e ta wordo paga nos ta splica bo akinan. Tin tres tipo di entrada pa e fondo di AZV: prima, BAZV y e contribucion di gobierno.

Prima

Si bo ta traha un parti di bo salario ta wordo paga como prima di AZV cerca e Belastingdienst. Bo ta paga 1,6% di bo salario bruto na prima di AZV. Banda di e parti di empleado e dunador di trabou ta paga 8,9% di bo salario bruto. Si bo tin bo mes un compania bo tin cu paga e parti di empleado y e parti di dunador di trabou, pues bo ta paga e total di 10,5%. Esaki tambe ta conta pa personan cu ta penshiona, nan ta paga 10,5% di e entrada di pensioen.

BAZV

For di december 2014 un otro forma di entreda pa e fondo di AZV a wordo crea. E letter ‘B’ di BAZV ta para pa  bestemmingsheffing y ta un tipo di impuesto riba e volumen di benta di un compania (omzetbelasting). Riba cada producto of servico cu bo ta umpra bo ta paga 1,5% di BAZV. De campania ta paga cada luna e suma total na Belastingdienst y esaki ta wordo manda directo pa AZV.

Un gran diferencia cu e prima di AZV ta cu via BAZV mas hende ta haci un contribucion na e fondo di AZV. No solamente e trahador y e penshionado, pero tur hende cu ta por ehempel cumpra un pan of ta bay cinema ta apoya e fondo.

Contribucion di gobierno

Banda di e prima semper a existi un contribucion di gobierno (landsbijdrage). Door di hisamento di prima y e introduccion di BAZV e contribucion di gobierno a baha relativamente durante e añanan. Pero ainda tin necesidad p’e pa por cubri tur gastonan.

  • Pa mas informacion riba prima di AZV y BAZV por check e website di Belastingdienst: www.siad.aw
  • Si bo kier wak cuanto placa ta drenta e fondo di AZV y kico AZV ta haci cu’ne check e relatonan anual aki

 

E deber di paga prima y restitucion di prima AZV 

Asegura via AZV (seguro medico general di Aruba) ta e persona cu ‘ta inscribi den e administracion basico y cu akinan tin su residencia principal tumando na cuenta e ‘Ley di Ordenansa Estatal di Admision y Expulsion’. Esaki ta stipula asina den e Ley AZV. Tambe tin stipula den e ley di AZV cu e asegurado tin e deber paga prima basa riba su entrada di prima.  

Si un asegurado ta scoge pa no inscribi (registra) su mes na Organo Ehecutivo AZV y dus no haci uzo di AZV, esaki no ta kita su deber legal pa cumpli cu e pago di e prima. Solamente den algun caso masha limita un exencion di e AZV y e obligacion na paga prima por wordo duna.  

E Departamento di Impuesto di Aruba ta encarga cu e tarea di retencion y cobramento di e prima AZV. Pa eventual gastonan deduci y paga ekibocadamente, nos ta referi bo persona, pa e motibo aki, pa bay Departamento di Impuesto di Aruba.