Algemene Ziektekosten Verzekering

Nos ta ofrece servicio online. Si bo tin un smartphone bo por download esaki for di Google Play of Apple App Store. Si bo ta desea nos yuda bo cu esaki, bo ta email un scan di bo ID (sea paspoort, cedula of rijbewijs valido) na nos email [email protected]

Como mayor bo ta bay riba e website aki mes na ʾInscripcionʾ y scoge pa yena e formulario di inscripcion. Yena tur pregunta di e formulario digital aki completamente, añadi e scan di bo ID (sea paspoort, cedula of rijbewijs valido) y un potret di bo baby. Nos lo procesa e peticion di inscripcion y lo bo ricibi un email di instruccion for di nos.

Cambio di dokter di cas por dos biaha pa aña den luna di maart y september. E procedura ta como lo siguiente:

• (acerca) bay un dokter di cas di bo escogencia;
• pidi si por bira pashent;
• si dokter duna aprobacion, abo ta yena y firma e formulario di cambio na oficina di e dokter mes;
• dokter tambe ta firma y stempel e formulario;
• e assistent ta manda esaki pa AZV via [email protected];
• of bo mes ta manda esaki pa nos via [email protected];
• AZV ta procesa esaki y bo persona por wak bo dokter di cas nobo via di bo AZV APP (den caso cu no tin e AZV app, por download esaki via Google Play of Apple App Store).

Un cambio di botica por wordo acepta solamente si e peticion drenta den luna di April y Oktober. Tur peticion pa cambio den otro luna, bo persona mester añadi un motivacion y nos lo evalua esaki. E peticion pa cambio di botica bo ta haci directo via e AZV app (via ʾMenuʾ → scoge ʾDunadonan di Cuidoʾ →scoge ʾE dunadonan di cuido di….ʾ → scoge den e ʾMenuʾ ey → ʾCambia di dunado di cuidoʾ → Scoge eynan e tipo di dunado di cuido cu bo kier cambia y manda e peticion aden)

Unabes cu bo tin e AZV app, bo por wak bou di e Menu → Dunadonan di cuido di…ʾxxxʾ

Bo por haya su nomber, number di telefon y tin ora su emailadres den bo AZV app bou di Menu -> Dunadonan di cuido. Riba e website aki bou di e lista di dunadonan di cuido, scoge pa lista di dokter di cas. Opcional bo por informa cerca bo dokter di cas si nan mes tin un website of pagina riba social media unda bo por haya informacion.

AZV ta cubri examen di wowo cu ta wordo prescribi door di bo dokter di cas of specialista y cual ta tuma luga den e centro di oftalmologia na ImSan of na oficina di dokter Burton Jacobs. Tambe via un optometrista na optica pa medio di un carta di referencia di bo dokter di cas. Bril ta wordo cubri ora tin un dioptrie di 10>.

No. Psicologia no ta un benificio di AZV. Esaki no ta pa motibo cu AZV no ta kere den psicologia, pero pa motibo mas bien financiero. Ora a scirbi e Ley AZV mester a haci cierto escogencianan kico si por a cubri y kico no por a cubri.

• Cuido di dokter di cas.
• Cuido di specialista.
• Remedinan (segun Lista Positivo).
• Cuido den hospital.
• Medionan auxiliar.
• Cuido Medico den Exterior (cu aprobacion di AZV).
• Cuido di partera.
• Cuido di fisioterapista.
• Cuido di dentista (cobertura limita).

• OTC (Productonan of remedinan ʾOver the Counterʾ)
• Suplemento di cuminda y of parecido
• Un chekeo general preventivo.
• Un keuring pa rijbewijs.
• Un keuring en conexion cu solicitud di trabou.
• Un keuring en conexion cu peticion pa permiso na Dimas.
• Transplante di organo (cu excepcion di cornea y beenmerg)
• Tratamento of operacionnan den fase experimental.
• Test DNA pa confirma paternidad.
• Declaracion di morto.

E ta gratis, ya cu awor no ta existi e caarchi di plastic (ZorgPas) mas. Awor bo ta download e AZV app y registra pa e digi-ZorgPas (caarchi digital di AZV den bo celular).

Den caso cu bo persona a pone e ID correcto y no por ingresa. Tuma contacto cu [email protected]

Asina cu bo purba 5 biaha e sistema mes ta dunabo e oportunidad di reestablece (reset) e pincode di nobo. Den caso cu no logra por tuma contacto cu [email protected]

Si. Ainda por. Pero tene na cuenta cu si bo persona no ta segura mas na AZV, bo no por sigui haci uzo di e caarchi di AZV. Por ehempel si bo a extrae nomber for di Censo (schrijf uit) y regresa Aruba y toch bo a keda cu e caarchi di AZV den bo poder. Lo bo no por haci uzo di e caarchi mas pa motibo cu ora bo presenta na e dunado di cuido cu e ZorgPas, nan lo controla riba e webportaal y informa bo cu bo no ta segura.

Mayornan por añadi nan yiunan menor di edad via Menu → Dunadonan di cuido →Añadi account nobo, kinan bo ta yena e informacion di bo yiunan (number di AZV, dokter di cas y ultimo dos cifra di e number di cedula di e yiu). E mayornan cu ta ʾusuario verificaʾ por añadi nan yiu via e codigo QR, na momento cu un peticion pa un codigo QR wordo pidi via [email protected]

Bo por download e AZV app y log in. Pa prolongacion di bo seguro AZV bo ta manda un peticion na [email protected] hunto cu un prueba di ID valido y un potret recien. Unabes nos procesa bo polisa di AZV, bo por wak esaki den bo AZV app. Y si bo ʾnotificacionʾ ta cendi lo bo haya sa esaki pa medio di un notificacion of email.

Pa medio di bo celular bieu bo por registra riba e nobo. Si bo sa bo number di AZV bo mes por registra bo mes riba e celular nobo, of bo por tambe haci peticion pa registra via un codigo QR (email [email protected] pa pidi codigo QR nobo)

Pa privacidad di bo datonan medico personal.