Ora bo extrae (schrijf uit, cancela) for di Censo di Aruba, automaticamente nos ta haya e informacion aki for di Censo pa motibo cu nos ta traha hunto cu Censo.
A base di e informacion di Censo, nos ta cera bo seguro AZV. Den caso cu bo kier keda segura te cu e ultimo dia cu bo ta na Aruba, esta te cu e dia cu bo ta subi avion (dia di bo biahe), e ora bo ta manda nos un scan di bo paspoort y un scan di bo ticktet di biahe na [email protected]
E ta importante pa corda cu AZV ta valido na Aruba so! Ora bo bay biba den exterior e ta bon pa bo informa tocante seguro medico aya.
Ta regresa Aruba
Si algun dia bo dicidi di bin biba bek na Aruba, e ora ta importante pa bo corda di inscribi bek na Censo y na AZV.
Studiante cu ta bay Hulanda
E personanan cu ta bay studia na Hulanda cu Aruba lening no tin nodi haci nada pa schrijf uit na AZV. Nos ta coopera tur aña cu Departamento di Enseñansa pa haci e proceso mas facil posibel pa studiante.
Ora di salida:
- Cancela (schrijf uit) for di Censo.
- A base di e informacion ey ricibi, AZV ta cancela bo seguro y ta uza e fecha di salida (di bo ticket di avion) a base di e datonan ricibi di Departamento di Enseñansa.
- Den caso cu bo tin un ZorgPas (e caarchi di plastic), bo ta entrega esaki na oficina di AZV den e postbus cora na Rumbastraat 21.
- Bo digi-ZorgPas ta haya e fecha di validez te cu fecha di bo biahe (segun bo ticket di biahe).
Ora cu bo biahe pa Hulanda no bay door mas
Den caso cu bo a schrijf uit for di Censo, pero despues bo plannan di estudio a cambia pa cualkier motibo y bo no ta bay mas, percura pa inscribi bek na AZV.
