Kico e ta?
Bo curason ta pomp sanger den bo celnan sangrino den forma di intercambio y bo curason ta expande pa tuma e sanger y sera bek ora cu e ta pomp e sanger manda pafo, pa asina e sanger por core rond bo curpa. Door di esaki e precion ta wordo crea den bo celnan sangrino. Bo no ta sinti mes cu bo precion a subi. Esey nos por midi’e solamente cu algo pa midi precion. E prome cifra ta e precion halto: e precion ora cu bo curason ta pomp saca e sanger afo. E di dos cifra ta precion abou: e precion ora cu e curason ta expande ora cu e ta pomp. Un precion di sanger normal mester ta menos halto cu 140 y e precion di sanger abou mester ta 90. Bo precion di sanger ta cambia regularmente, disponiendo di bo movecon corporal, actividad y emocion nan. Pesey a bon pa keda controla bo precion y no un biaha so. For di e dos midinan, ta saca e promedio di bo precion.
Door di kico e ta bini?
No ta claramente conoci ta kico enrealidad ta ocaciona precion halto. Loke sa ocaciona precion halto ta movecionnan di bo curpa, pero no ta serca tur hende bo por saca afo nunca ta kico ta e causa. Precion halto ta sa bini dilanti den cierto famia, un mas cu otro. Bo precion por subi tambe door di sobrepeso, si bo ta uza hopi salo, si bo ta come hopi drop (tambe mangel) y si bo ta bebe mas cu dos glas di alcohol pa dia.
E por haci daño?
No ta bon pa bo keda cu precion halto pa hopi aña. Precion halto riba su mes no ta un malesa, pero por duna bo chens di core risico cu complicionnan cu bo curason y problema cu bo celnan sangrino. No ta precion halto so por causa e comnplicacionnan ariba menciona pero humamento, diabetes y cholesterol halto tambe por tin su influencianan. Ta pesey ta sumamente importante pa cuida bo curpa for di e malesanan aki princinpalmente si un di e malesanan aki sa bini dilanti mas tanto den bo famia.
