Logopedia
Si bo dokter di cas of specialista ta hay’e necesario bo por wordo referi pa cuido di logopedia. Cuido di logopedia ta pa recupera, mihora of mantene e funcionamento di oido, bos of organonan di papia. Pero tambe por yuda cu e halamento di rosea y si tin problema di come, bebe y guli.
Bo dokter ta haci e peticion pa tratamento cerca e consehero medico di AZV cu por confirma esaki pa maximo 15 sesion den 1 aña di tratamento. Den casonan exceptional por duna 10 sesion mas. E tratamento por wordo pidi den siguiente caso:
- deficiencia auditiva y deterioro di e funcion auditiva;
- trastorno di bos;
- trastorno di idioma;
- trastorno di lesamento y skirbimento;
- trastorno di articulacion;
- nasalidad;
- trastorno den e fluidez y ritmo di papia;
- comportamento anormal oral.
Segun ley AZV no por duna permiso pa e tratamento si e ta; innecesariamente caro, complica of no ta efectivo. Tampoco por acorda tratamento pa dislexia, desaroyo di idioma relaciona cu dialecto of otro idioma y terapia di musica.
Pa cuido di logopedia ta existi un aporte propio di 10% di e tarifa. Actualmente e tarifa ta 75 florin pa sesion y ta dura 30 minuut.
*1 aña di tratamento = 12 luna despues di e prome sesion
