Algemene Ziektekosten Verzekering

Cada un di nos ta traha duro pa duna un bon servicio na nos cliente. Pa por mehora e servicio nos ta habri pa feedback di nos aseguradonan, pues si bo no ta satisfecho of bo tin idea pa mehoracion nos lo tende esey cu mucho gusto.

Unda por duna feedback ta depende di e tipo di keho.

• AZV

Si tin un keho tocante servicio di AZV mes por tuma contacto cu AZV directo (KLACHTFORMULIER)

• Dokter di cas

Si bo tin un keho tocante e practica di bo dokter di cas mester acerca e dokter di cas mes. E ta importante pa purba di tene un combersacion cu bo dokter di cas prome. Esey ta hopi biaha e manera mas lihe di soluciona un keho.

Den caso cu e keho no a wordo soluciona of bo persona no tin e curashi pa papia cu bo dokter di cas, e ora bo por entrega e keho cerca e comision di keho di dokter di cas.

Un keho por wordo entrega via [email protected] na e comision di keho di dokter di cas. Bo keho lo wordo atendi door di e comision di keho dentro di 6 siman.

• Otro dunador di cuido

Pa tur tipo di dunador di cuido cu no ta dokter di cas ta conta cu den prome instante mester atende e keho directo cu e persona mes. Ora no tin solucion por acerca Inspeccion di Salubridad (IVA)