Algemene Ziektekosten Verzekering - Loket Digital

Manera ta describi de memoria di splicacion di e Landsverordening AZV e obhetivo di AZV ta pa realisa cuido medico di calidad cu ta accesibel pa henter comunidad. Den cuadro di esaki Organo Ehecutivo AZV (UO AZV) tin e obligacion pa cu e poblacion pa domina e gastonan di cuido medico.

UO AZV tin cu controla e manera con e dunador di servicio ta haci su trabou. Entre otro pa verifica si esaki ta bay manera palabra den e contract y si e ta declara e cantidad di actividad cu ela haci berdaderamente.

Fraude no ta acceptabel y ta trece gastonan innecesario cu ne. AZV tin un maneho di fraude cu ta:

1. preveni fraude;
2. defini ki ora ta papia di fraude;
3. describi con ta raporta fraude;
4. describi e medidanan si fraude a wordo constata.

Preveni fraude

Prevencion di fraude ta wordo incorpora den e maneho di AZV. Algun ehempel ta: e controlnan anual riba e ligitimidad/legaldad di e gastonan di operacion, proteccion di data y informacion, controlnan periodico interno dirigi door di departamento internal audit y proteccion fisico di persona, materialnan y registracion di bishitantenan.

Definicion di fraude

Tin hopi definicion di fraude. Di estafa door di falsificacion di administracion y incumplimento di regla te gañamento, mentira of violacion di confiansa.

UO AZV ta aplica e siguiente definicion di fraude: “ta actua deliberadamente of ta laga di haci esey caminda door di gañamento ta obtene ilegalmente un beneficio financiero.”

Por papia di fraude ora ora ta cumpli cu e siguente elementonan:

• Ta actua intencionalmente y engañoso;
• Beneficio financiero obteni na un manera ilegal;
• Pa detrimento di e Fondo.

Raporta fraude

Fraude of un sospecho di fraude ta wordo raporta di biahe door di trahado, dunador di servicio y aseguradonan di AZV cerca e coordinador di fraude kende ta registra easki den un registro di incidente. Si e denunciante ta desea esaski e por wordo haci anonimamente.

E hefe di departamento internal audit ta e coordinador di fraude y como tal responsabel pa maneha e registro di incidente y ta engarga cu e coordinacion di investigacion di fraude.

Abo como asegurado of dunador di cuido tambe por raporta fraude. Scoge e manera mas adecua pa bo. E ta posibel via:

• E online formulario aki riba website;
• Via email [email protected];
• Via carta, dirigi pa: Uitvoeringsorgaan AZV, Rumbastraat 21, Oranjestad. Na atencion di Fraude Coördinator AZV.

Medidanan

Ora fraude a wordo constata e siguiente medidanan por wordo tuma:

• Rechasa, pues no paga, factura;
• Recupera of desconta sumanan cu a wordo paga caba;
• Termina contracto y eventualmente recupera gastonan di expertisio, investigacion huridico y gasto di personal;
• Haci denuncia cerca Ministerio Publico;
• Informa Departamento di Salud Publico y/of Inspeccion di Salubridad.

Controla tur e veldnan mandatorio.