Algemene Ziektekosten Verzekering

Dokter Horacio Oduber Hospitaal

Na januari 1977 Dr. Horacio E. Oduber Hospitaal (HOH) a habri na Eagle. E hospital tin un capacidad di 288 cama y ta ofrece tur e specialisacionnan medico mayor manera pediatria, ginecologia, urologia, medicina interno, cirugia general, neuro cirugia, neurologia, psikiatria, specialismo di pulmon, cardiologia y mucho mas. Tambe hospital tin un Clinica pa Cuido di Herida, un Clinica pa Dialisis, un departamento di Oncologia y un Centro pa Revalidacion.

Hospital ta admiti mas cu 10.000 pashent pa aña y su Departamento di Emergencia ta atende mas cu 32.000 pashent pa aña.

Hospital tin e siguiente unidadnan di cuido di pashent:

• Unidad (of sala) general: 6 cama/kamber
• Semi-priva: 2 cama/kamber
• Priva: 1 cama/kamber
• Unidad di Cuido Intensivo (ICU) / Unidad di Cuido Medio (MCU) / Unidad di Cuido Coronario (CCU)
• Unidad Pediatrico
• Unidad di Parto y Embaraso
• Sala Ambulatorio
• Unidad di Psikiatria (pa estadia largo of cuido ambulatorio)