AZV App
Wak cua doctor ta na warda!
Na december 2019 AZV a lansa su AZV app. E meta principal di e app aki ta pa duna e cliente informacion di su polisa up to date y corecto. Den e AZV app un asegurado di AZV por registra su digiZorgpas cu ta reemplasa e caarchi di plastic cu for di 2006 tawata e prueba di inscripcion di AZV.
Durante e crisis di Covid19 y e shelter in place situacion na Aruba e AZV app a prueba su balor, door cu ela haci e bishita na e oficina innecesario y e servicio na cliente por a sigui normal. Mientras tanto e desaroyonan na e app a sigui y awor ta posibel pa manda mensahenan pa cada usuario. Mensahenan por ehempel tocante bo polisa of informacion di e oficina dibo dokter di cas.
Naturalmente por wak e informacion di contacto di bo dunadonan di cuido y e informacion cua dokter, botica y dentista ta na warda. Pero tambe ta posibel pa haci cambio di dokter di cas, dentista of botica via e AZV app y wak e status di un autorisacion.
