Cuido dental pa asegurado hubenil

 

Un mayor cu ta desea pa su yiu bin na remarca pa cuido dental pa medio di AZV mester cumpli cu algun rekisito.

E prome gastonan di control cerca un dentista pa un mucha bou 18 aña ta core pa cuenta di e mayor. Esaki kiermen cu e mayor ta cubri e gasto di e prome control of prome tratamento di su yiu cerca e dentista.

Un asegurado hubenil (bou di 18 aña) tin algun derecho extra riba cuido dental via AZV. Pa bin na remarca pa esaki e djentenan di e mucha mester ta liber di caries. E dentista cu ta haci e control di e djentenan di e mucha ta e persona cu por duna un certificado di sanacion ‘saneringskaart’.

E certificado di sanacion mes ta valido pa 1 aña.

Pakete dental AZV ‘saneringskaart’:

• Un biaha pa aña, chekeo dental (control)

• Un biaha pa aña, limpiesa dental

• Restauracion di djente i kiesnan (vulling), cu material plástico.Pa e tratamento aki e mayor ta paga e dentista un aporte propio di Afls. 15,-

• Un biaha pa aña, aplicacion di fluor (cuminsa foi 6 aña)

• Sealing di kies permanente (pa aña ta trata por lo menos 4 kies i den total ta paga e gasto di 8 kies)

• Anestecia (verdoving)

• Cuido paradontal (carn’i djente), endodontico (tratamento di nervio) y gnatológico (mester di un aprobacion di AZV prome)

• Cirugía dental general (riba cierto indicacion)

• Cuido di ortodoncia (braces) cu excepcion di bridge y corona. Mester di aprobacion prome di AZV y ta pidi un aporte propio di Afls. 75,- pa cada luna di tratamento.

• Tratamento di dolor: den tur caso, pa rancamento di djente of kies y e incision necesario di postema. Cirugia dental, por ehempel corta carn’i di djente of limpiesa extenso di herida. (mester di un aprobacion di AZV prome)

Protesis

Aki ta trata di un plancha parcial of completo. E substitucion di e protesis ta ser paga si e protesis actual no ta sirbi mas i por lo menos cuatro anja a pasa despues di su suministro. (mester di un aprobacion prome di AZV).