Prima

Descubri mas tocante AZV su premie di seguro medico

E gastonan di AZV Plus ta wordo paga door di e dunador di trabou di e asegurado (Gobierno di Aruba). E asegurado ta paga 0,5% extra na prima pa cubri e gastonan di e seguro aki.

Fin di aña AZV ta conta tur e gastonan cu a wordo haci bou di AZV Plus y e cuenta ta wordo manda pa Gobierno di Aruba.

Encontrario cu e sistema di AZV normal, tin un aporte propio ora ta haci uzo di AZV Plus. 10% di e gastonan di un tratamento cu ta cay bou di AZV Plus tin cu wordo paga door di e asegurado mes.

Procedura

Pa bo mustra cu bo tin derecho riba AZV Plus, bo mester di un ‘declaracion di departamento‘ (verklaring van dienst). E declaracion aki no mag di ta mas bieu cu 1 luna. E declaracion aki bo ta hiba cerca e dunado di servicio cu lo tuma contact cu AZV pa haya permiso pa cuminsa e tratamento. Pa esnan cu a bay cu pensioen caba e procedura ta mas facil, pasobra riba nan Zorgpas ta menciona cu nan tin derecho riba AZV Plus. E casa y yiu no tin nada skirbi riba e ZorgPas y pa nan ta conta e procedura prome menciona.

Ora bo kier haya restitucion di gasto medico cu bo a haci den exterior, bo tin cu bini personalmente na oficina di AZV cu e facturanan original, hunto cu e prueba di pago. Tambe tin mester di e reportahe medico di e clinica. Un peticion di restitucion mester wordo entrega prome cu 1 aña y 3 luna despues di e tratamento a tuma luga. Peticionnan cu ta yega mas laat lo no wordo trata mas.