Medionan auxiliar


Como asegurado di AZV bo tin derecho riba e suministro di un cantidad limita di medionan auxiliar, den virtud di e ley. Den esey ta haci distincion entre medio auxiliar cu bo por adkiri den propiedad, y medio auxiliar suministra solamente den prestamo di uso (presta).
A menos cu a indica otro cos, bo mester di e aprobacion previo, por escrito, di e Organo Ehecutivo AZV. E dokter cu ta trata bo ta haci e solicitud di medio auxiliar den bo nomber cerca e Organo Ehecutivo AZV.
Pa cierto medio auxiliar bo tin cu paga un aporte propio. E proveedor di e medio auxiliar aki ta cobra bo dicho aporte.

Propiedad
Medio auxiliar suministra como bo propiedad ta:

Protesis pa e schouder, brasa, man, pia (been/voet):

  • protesis convencional, no-mecanisa, pa e schouder, brasa of man;
  • accesorio y auxiliar comunmente utilisa pa protesis di brasa y;
  • protesis pa e pelvis, pia (been of voet).

Den caso di un prome solicitud di e protesisnan menciona akiriba, ta ser rekeri aprobacion por escrito di e Organo Ehecutivo AZV. Pa cambia e medionan auxiliar aki no tin nodo di pidi permiso prome na e Organo Ehecutivo AZV.

Protesis externo di e pecho:

  • E protesis pa e pecho, obtenibel cla pa usa, sea parcial of no, pa uso externo. Pa cambia e medio auxiliar aki aprobacion previo di e Organo Ehecutivo AZV no ta rekeri;
  • den caso cu e aplicacion, obtenibel cla pa uso no ta posibel pa rasonnan medico: protesis pa pecho, fabricá na midí. Pa cambia e medio auxiliar aki solamente un texto explicativo di e dokter cu ta trata e pacient ta ser rekeri;
  • protesis di reserva. Pa cambia esaki tin mester prome di e aprobacion por escrito di e Organo Ehecutivo AZV.

Pa e prome adkisicion di cualke forma di protesis di pecho ta ser rekeri aprobacion por escrito di e Organo Ehecutivo AZV prome.

Protesis pa e wowo

  • e protesis completo pa wowo;
  • e scleraschaal y;
  • e scleralens.

Aparato ortopedico pa e torso, brasa, pia (been/voet), of e nek:

  • corset trahá na midí pa coregi defecto na e columna vertebral;
  • aparato ortopedico;
  • aparato reforsa pa spalk, aparato pa rectificacion of coreccion di defecto;
  • capa protector pa e craneo;
  • breukband (verband hernial);
  • sapato ortopedico, incluyendo:

    · sapato ortopedico, trahá completo na midí;
    · interior di sapato ortopedico, trahá completo na midí;
    · sapato semi-ortopedico cu adaptacion individual y;
    · adaptacion ortopedico di e sapato confecciona.
Pa sapato ortopedico trahá completamente individual, y sapato semiortopedico
cu acomodacion individual, mester paga un aporte propio di Afl. 125,- pa cada paar. Si e asegurado tin menos di 16 aña e aporte ta Afl. 62,50.


Medio auxiliar optico:

  • glas pa bril y contact lens, cu un dioptria di ± 10, of den caso di iregularidadnan causá pa un enfermedad;
  • bandagelens sin funcion corectivo di e bista (den cierto cantidad limita di indicacionnan).

Medio auxiliar pa e oido:

E suministro di aparato electro-acustico pa e oido ta inclui tambe e prome adkisicion di bateria y e accesorionan pa e oido perteneciente na un aparato pa e oido. Bo no tin derecho riba compensacion di e gastonan di mantencionnan periodico y cambiamento di baterianan. Si gasto di adkisicion di e aparato, excluyendo e gasto di accesorio pa e oido y baterianan, ta mas cu Afl. 750,-, bo persona como asegurado mester paga un aporte propio, cu ta e diferencia entre e gasto di adkisicion y tal suma.

Medionan pa cuido personal:

  • Urinal portatil;
  • Provision pa "stoma" pacient: stomabandages (cualnan no ta verband), receptaculo, protector pa e cuero, protector di e "stoma" pa pacient cu a haci laringectomia;
  • mea pa stompi, pa cada entrega no mas cu 3 ehemplar;
  • cateter;
  • material absorbente pa e incontinencia, tambe tampon pa incontinencia: pa e solicitud pa material absorbente contra incontinencia tin un formulario di solicitud standard cu e dokter cu ta trata e asegurado mester yena. Mucha cu no tin 5 aña ainda y adulto cu ta sufri di stress-incontinentie, no tin derecho riba material contra incontinencia;
  • trachea canule;
  • protesis vocal.

Pesario:

Pa e suministro di pesario di apoyo ta necesario un prescripcion medico di e dokter cu ta duna e tratamento. Por adkiri e medio auxiliar aki sin previo consentimento di e Organo Ehecutivo AZV.

Medio auxiliar pa e movilidad di persona:

  • Medio auxiliar pa cana, cu no ta fihá na e curpa y riba cual e asegurado ta depende pa un tempo largo pa e por cana;
  • Baston di ciego.

Spuit of pen pa inyeccion: pa e adkisicion continua ta necesario un prescripcion medico ún biaha den 12 luna di e dokter cu ta trata e asegurado.

Mea elastico

  • mea di confeccion, di cual e sais ta keda determina segun e lista di sais vincula na e sistema "G.G. keuringssysteem", y cu ta cumpli cu e norma "LAL";
  • mea, trahá na midí, te na rudia, cu hilo elastico cu den caso di un circunferencia di 21 centimeter di e pia, directamente riba e enkel, ta eherce na e lugar ey un presion di por lo menos 3.3 kilo Pascal pa centimeter cuadrá. Ademas ta cay bou e medionan auxiliar menciona den e prome frase manga elastico pa brasa, sea cu soporte pa man of sin dje, cualnan den un circunferencia teoretico di 21 centimeter ta eherce un presion di 3.3 kilo Pascal pa centimeter cuadra.

E asegurado mester paga un aporte propio respecto di gasto di adkisicion, di 10 por ciento di e prijs di compra, cu un aporte propio no mas cu Afl. 95,- pa cada suministro. Ta suministra e medio auxiliar aki no mas cu dos biaha pa aña, a menos cu tin indicacion medico pa mas. Den caso di cuido postoperatorio di spatader extirpa,
e asegurado no tin derecho riba e medio auxiliar aki.

Medio auxiliar den caso di diabetes:

  • aparato pa chek sanger na cas y e material y hangua, necesario pa tal cos;
  • material pa chek na cas e concentracion di e glucose den e orina.

E (solicitudnan pa e) adkisicionnan continua di e materialnan pa haci test aki y e hanguanan, ta ser presenta cada 12 luna, acompaña pa un splicashon por escrito di e dokter cu ta trata e asegurado, na e Organo Ehecutivo AZV.