PPS

Descubri mas tocante AZV su Plataforma Promocion di Salud

Plataforma Promocion di Salud ta un cooperacion di e departamentonan di communicacion di e siguiente organisacionnan:

  • Directie Volksgezondheid (DVG);

  • Instituto Biba y Salud Activo (IBiSA);

  • Sociale Verzekeringsbank (SVb);

  • Wit Gele Kruis (WGK);

  • Algemene Ziektekosten Verzekering (AZV);

  • Instituto Medico San Nicolas (ImSan)

  • Dr. Horacio E. Oduber Hospitaal (HOH).

E Plataforma tin como meta principal pa hisa e nivel di conocimento tocante malesanan cronico pa medio di cooperacion entre e siete organisacionnan.

E cuater sub metanan ta:

  • Distribui informacion tocante salud na un manera uniforme, consistente y continuamente via e sistema di salubridad publico na Aruba.

  • Hisamento di e nivel di conocimento di e pueblo, professionalnan den salud y di e miembronan di plataforma.

  • Apoya Organisacionnan Non Gobermental (NGO’s) pa duna atencion na malesanan cronico y su factornan di riesgo.

  • Duna conseho na e Minister di Salubridad, Cuido di hende grandi y Deporte y tambe na miembro y non-miembro di e plataforma.

Malesa Cronico

E malesanan cronico cu ta wordo atende door di e plataforma ta: Diabetes, Presion halto, Malesanan Cardiovacular, malesanan di riñon, stroke y malesanan mental.

E periodo rond di un dia internacional di cierto malesa of thema di salud e plataforma ta hopi activo den media pa duna informacion. Algun fecha importante ta:

  • 4 februari World Cancer Day

  • 10 maart World Kidney Day

  • 6 april World Physical Activity Day

  • 7 april Wold Health Day

  • 17 mei World Hypertension Day

  • 29 september World Heart Day

  • 29 oktober World Stroke Day

  • 14 november World Diabetes Day


Preguntanan mas puntra

1
Den ki caso mi dokter di cas lo mandami pa un specialista?

Ora e dokter di cas haya cu ta necesario y cu e como bo dokter di cas no por yuda bo of no por yuda bo mas paso ta rekeri di cuido specialisa. Sin embargo, despues di e diagnostico of tratamento di e specialista, semper e pashent por bay bek na man di su dokter di cas pa sigui haya e cuido via su dokter di cas.

2
Pakico ora mi yama pa haci afspraak na mi dokter di cas, e asistente ta haci mi pregunta tocante mi salud?

Awendia e mayoria di e dokternan di cas ta haci uzo di Traige. Traige ta e evaluacion di pashentnan den diferente categoria, na unda nan ta wordo clasifica segun e gravedad di e sintomanan, lesionnan y malesa. E (traige) ta wordo aplica na Spoed Eisende Hulp (SEH) di hospital y na e dokter di cas na warda pa por determina e urgencia di pashentnan cu ta yega. E meta di Traige ta pa establece prioridad y dicidi cua pashentnan mester haya tratamento medico prome y cua pashentnan por warda un tempo cortico of largo riba ayudo. Den oficina di e dokternan di cas ta poniendo cada biaha mas atencion na Traige hustamente pa contesta y guia den bon direccion e cantidad grandi di e pashentnan y pa percura cu e cuido wordo duna na e bon momento. Pa e motibo ey mes, e assistente di e dokter di cas lo haci abo como pashent pregunta pa asina yuda bo mas miho.

3
Pero ami no kier conta mi cosnan priva na e asistente di e dokter di cas.

No mester tin miedo pa conta e asistente di dokter loke ta pasabo. Cada asistente di dokter ta traha bou secresia medico igual cu e dokter di cas y tur otro dunado di servicio den e cadena di cuido medico na Aruba.

4
Mi ta pashent diabetico y awor ta wordo atendi door di un Praktijk Ondersteuner. Ken e praktijkondersteuner ta?

E praktijkondersteuner ta un persona studia riba e nivel HBO y cu amplio experiencia den e ramo di cuido di pashent. E rol di e praktijkondersteuner ta pa asisti e dokter di cas den e cuido y guia di pashentnan diabetico of pashentnan cu malesanan cardiovascular. E praktijkondersteuner ta e persona cu ta duna e pashent informacion, guia y motivacion pa e pashent por keda cumpli cu su controlnan regular y pa e pashent cumpli cu e tumamento di su remedinan segun prescripcion di e dokter di cas. E praktijkondersteuner ta traha independiente, siguiendo e plan di tratamento di e dokter di cas y bou di e responsabilidad di e dokter di cas. Por wak ambos como un ekipo trahando hunto na bienestar di e pashent.

5
Pakico mi mester acudi cerca e dokter di cas prome?

AZV ta stimula e prome liña di cuido. E dokter di cas ta un profesional medico cu a
siña pa duna tratamento y cuido medico riba un tereno masha amplio mes incluyendo e
guia pa personanan cu malesa cronico. Banda di esey, e dokter di cas ta un persona di
confianza cu kende e pashent por consulta tur su sintomanan incluyendo su bienestar y
of malesanan den famia. Esaki ta nifica cu tin hopi malesa cu e dokter di cas mes por
trata. 

Preguntanan mas Puntra