ARUBA’S GENERAL HEALTH INSURANCE

Algemene Ziektekosten Verzekering

Bon bini na e website di Aseguro Medico General (AZV)

azv office

Aruba tin cobertura universal di salud pa tur su habitantenan desde 2001 y ta e prome pais den Reino Hulandes cu tin uno. AZV ta ofrece tur hende cu ta biba legitimamente na Aruba acceso na cuido medico di calidad.

E Organisacion Mundial di Salud (WHO) ta declara cu “E derecho riba salud ta e balor central di cobertura universal di salud, pa wordo promovi y proteha sin distincion di edad, grupo etnico, rasa, sexo, genero, orientacion sexual, lenguahe, religion, opinion politico of otro, origen nacional of social, posicion economico, nacimento, of cualkier otro status.”

Riba e website aki bo ta haya informacion general tocante e Aseguro Medico General (AZV), topiconan di salud y un seccion cu informacion di tur nos dunadonan di cuido.

doctor icon
Doctor na Warda Tur Docter di Cas
Pabow di brug Huisartsenpost Hospitaal
527 4580
Pariba di brug Instituto Medico San Nicolas (ImSan)
Pastoor Hendrikstraat 10, San Nicolas
524 8833
pharmacy icon
Botica na Warda Tur Botica
Pabow di brug Mediq Botica Oduber
Caya G.F. Croes 103
5821780
Pariba di brug Botica San Nicolas
B. v/d Zeppenveldstraat 47
5845712
dentist icon
Dentista na Warda Tur Dentista
Aruba Oduber, Ana Maria
Emanstraat 79 A
5889160

Preguntanan mas Frecuente

1
Den ki caso mi dokter di cas lo mandami pa un specialista?

Ora e dokter di cas haya cu ta necesario y cu e como bo dokter di cas no por yuda bo of no por yuda bo mas paso ta rekeri di cuido specialisa. Sin embargo, despues di e diagnostico of tratamento di e specialista, semper e pashent por bay bek na man di su dokter di cas pa sigui haya e cuido via su dokter di cas.

2
Pakico ora mi yama pa haci afspraak na mi dokter di cas, e asistente ta haci mi pregunta tocante mi salud?

Awendia e mayoria di e dokternan di cas ta haci uzo di Traige. Traige ta e evaluacion di pashentnan den diferente categoria, na unda nan ta wordo clasifica segun e gravedad di e sintomanan, lesionnan y malesa. E (traige) ta wordo aplica na Spoed Eisende Hulp (SEH) di hospital y na e dokter di cas na warda pa por determina e urgencia di pashentnan cu ta yega. E meta di Traige ta pa establece prioridad y dicidi cua pashentnan mester haya tratamento medico prome y cua pashentnan por warda un tempo cortico of largo riba ayudo. Den oficina di e dokternan di cas ta poniendo cada biaha mas atencion na Traige hustamente pa contesta y guia den bon direccion e cantidad grandi di e pashentnan y pa percura cu e cuido wordo duna na e bon momento. Pa e motibo ey mes, e assistente di e dokter di cas lo haci abo como pashent pregunta pa asina yuda bo mas miho.

3
Pero ami no kier conta mi cosnan priva na e asistente di e dokter di cas.

No mester tin miedo pa conta e asistente di dokter loke ta pasabo. Cada asistente di dokter ta traha bou secresia medico igual cu e dokter di cas y tur otro dunado di servicio den e cadena di cuido medico na Aruba.

4
Mi ta pashent diabetico y awor ta wordo atendi door di un Praktijk Ondersteuner. Ken e praktijkondersteuner ta?

E praktijkondersteuner ta un persona studia riba e nivel HBO y cu amplio experiencia den e ramo di cuido di pashent. E rol di e praktijkondersteuner ta pa asisti e dokter di cas den e cuido y guia di pashentnan diabetico of pashentnan cu malesanan cardiovascular. E praktijkondersteuner ta e persona cu ta duna e pashent informacion, guia y motivacion pa e pashent por keda cumpli cu su controlnan regular y pa e pashent cumpli cu e tumamento di su remedinan segun prescripcion di e dokter di cas. E praktijkondersteuner ta traha independiente, siguiendo e plan di tratamento di e dokter di cas y bou di e responsabilidad di e dokter di cas. Por wak ambos como un ekipo trahando hunto na bienestar di e pashent.

5
Pakico mi mester acudi cerca e dokter di cas prome?

AZV ta stimula e prome liña di cuido. E dokter di cas ta un profesional medico cu a
siña pa duna tratamento y cuido medico riba un tereno masha amplio mes incluyendo e
guia pa personanan cu malesa cronico. Banda di esey, e dokter di cas ta un persona di
confianza cu kende e pashent por consulta tur su sintomanan incluyendo su bienestar y
of malesanan den famia. Esaki ta nifica cu tin hopi malesa cu e dokter di cas mes por
trata. 

Tene cuenta cu bo Salud

Historia di AZV

16 years ago Aruba took an important step with the introduction of health insurance for the entire population, functioning independitly from the government. In 2001 AZV became the first national health insurer in the kingdom, The Netherlands followed suit in 2006.

Loading...