Kico haci awor › Aambei

Aambei ta ader hincha of spatader rond di e ano y den dje. Bo ta ripara cu bo tin aambei door di perdemento di sanger despues di bay  af, door di dolor, kimamento of grawatamento den e area rond di e ano.Aambei

 

E causa mas comun ta presmento (puhamento) pa motibo di ceramento di barica. Tambe door di embaraso y hayamento di yiu por surgi aambei.

Mayoria di biaha aambei ta inofensivo y no mester di ningun tratamento special. Generalmente despues

di un par di dia e ta disparce.

 

CUIDO PROPIO:

LOKE BO MES POR HACI

 

Evita ceramento di barica door di come cuminda cu por digeri facilmente (mira e capitulo "Ceramento di barica (Constipacion"). Evita presmento (puhamento) pa un rato largo. Bay w.c. asina cu bo sinti necesidad.

 

Ora e ta haci hopi dolor, bo por uza un unguente pa alivi'e. Bo por haya esaki na botica bou di diferente marca registra. Tambe bo por purba primi of pusha e aambei bek den e ano. Esaki ta hacie bira menos doloroso.

  

TUMA CONTACTO CU BO DOKTER DI CAS

Si bo haya aambei cu ta sangra pa prome biaha.

      Si bo tin mas di 40 aña y bo haya aambei pa prome biaha.

Si bo tin dolor.

Si e aambei ta hopi grandi.

Si bo ta duda cu ta aambei e ta.

 
Dokter na warda
Pabow di brug Telefon: 527 4580HuisartsenpostOranjestad583-4200 Pariba di brug Telefon: 524 8833 Centro MedicoSan Nicolas584-4000
Botica na warda
Pabow di brug Pariba di brug
Back to top