Kico haci awor › Cuido propio

Kico bo mes por haci pa recobra bo salud?

Aruba tin un cuido di salud bon regla. Tur hende tin acceso na un dokter di cas y via un carta di dje (verwijsbrief) na e specialistanan. Tambe nan tin acceso na un hospital moderno.

 

Henter nos comunidad ta responsabel pa mantene e sistema di cuido medico aki, pa asina garantisa su existencia,su calidad y su desaroyo continuo den futuro. Cada ciudadano

ta contribui na e sistema di cuido

medico, pesey como ciudadano ta importante pa bo haci uzo di dje conscientemente.Cuido propio

 

Cada adulto ta responsabel pa su propio salud. E mayornan ta responsabel pa salud di nan yiunan. Den bida nos a pifia con nos por cuida nos salud cu varios custumber y medida crioyo, esta loke nos conoce tambe como remedi di cas.

 

Si nos ta sinti cu nos tin algo cu un dokter por trata miho, anto e ora ey nos tin cu bay nos dokter di cas. Tambe ora nos no sa kico pa haci, nos por dicidi di busca conseho cerca nos dokter di cas.

 

Realmente hopi hende sa trata varios keho y sintoma sin acudi na un dokter. Esaki nos ta yama cuido propio (na Ingles self care y na Hulandes zelfzorg). Cuido propio tambe ta encera 'e habilidad pa dicidi na cua momento bo mester bay dokter'.

 

E informacion aki kier promove cuido propio.

Riba e website aki tin informacion valioso pa un cantidad di sintoma y malesa comun, pa asina por scoge e opcion mas adecuado for di nan.

 

Tin conseho:

Con pa reconoce e señalnan di e molester- y malesanan mas comun;

Tocante kico abo mes por haci pa alivia esakinan;

Ki ora ta consehabel pa busca ayudo di bo dokter di cas.

 

Ora den e seccion aki tin skirbi "Tuma contacto cu bo dokter di cas", esey kiermen: comunica cu bo dokter di cas na su consultorio.

 

Ora den e seccion aki tin skirbi 'Tuma contacto cu bo dokter di cas inmediatamente", esey kier men: no vacila, acudi mesora na bo dokter di cas of e dokter na warda si esaki ta den oranan anochi of den weekend.

Dokter na warda
Pabow di brug Telefon: 527 4580HuisartsenpostOranjestad583-4200 Pariba di brug Telefon: 524 8833 Centro MedicoSan Nicolas584-4000
Botica na warda
Pabow di brug Pariba di brug
Back to top