General › Pa ken AZV ta?

 

Prima di AZV

Pa tur hende cu ta biba legitimamente na Aruba, ta conta cu e persona tin e derecho pa por inscribi su mes como asegurado na Organo Ehecutivo AZV. E prima pa e fondo AZV ta wordo paga dor di dunadornan di trabao (8,9%) y trahadornan (1,6% desde 1 di juli 2015)) basa riba e salario bruto di e trahadornan. E pagamento di prima ta obligatorio y ta wordo ehecuta dor di Servicio di Impuesto (SIAD). Pensioenadonan y empresarionan ta responsabel pa paga –banda di e parti di trahador- e parti di dunador di trabao tambe y ta paga 10,5% (desde 1 di juli 2015) completo na prima.

 

BAZV

Banda di e prima di AZV for di 1 december 2014 un Health Tax (BAZV) a wordo introduci cu ta destina pa e fondo di AZV.
Slide1    Slide2
Speciaal pa inscripcion y prolongacion tin un foyeto di inscripcion cu informacion referente na e documentonan original cu mester presenta.

AZV no ta aplicabel den bo caso, si: (articulo 52)

abo y e miembronan di bo famia, siendo residente, ta exento di e participacion na e seguronan social, den virtud di acuerdonan internacional di cualnan Aruba ta forma parti;

abo y e miembronan di bo famia, siendo residente, tin un relacion di trabou, na otro lugar cu un persona huridico, estableci na otro lugar den Reino y tin un entrada di esey;

pa ley, bo a ser priva di bo libertad.

Por sosode cu bo ta registra den e Registro di Poblacion (Censo), pero bo tin un seguro medico caba den exterior. Den e caso ey bo por bini na consideracion pa un exencion ("vrijstelling") di e AZV y consecuentemente di e cuota obligatorio si bo por demostra cu:

bo tin un seguro medico den exterior, cu un cobertura similar na esun di AZV

y e seguro medico aki tin su base den un regulacion legal.

 

 

Zorgpas round corners_FB

ZorgPas

Ora bo ta inscribi bo mes de administracion di AZV bo ta haya un ZorgPas. Riba e ZorgPas aki tinbo datonan personal y un pasfoto. Banda di e Zorgpas bo ta recibi un Polisblad.

 

Polisblad

Riba e polisblad ta skirbi ken bo a scohe pa ta bo dokter di cas, botica y djentista. 

 

Schrijf uit

A base di articulo 7 lid 3 di e Landsverordening AZV e asegurado tin cu duna su prueba di seguro bek ora e no ta segura mas. Pa schrijf uit na AZV un persona tin cu bini na AZV cu un prueba di uitschrijving na Censo. E fecha di uitschrijving na AZV ta den principio mescos cu e fecha riba e fecha riba e papel di Censo. Den caso di emigracion por, si tin un ticket di buelo cu fecha riba dje, tuma over e fecha cu ta riba e ticket. Den e caso ey e periodo entre e uitschrijving na Censo y e fecha di buelo no mag di ta mas cu 1 luna.

 

 

 

Dokter na warda
Pabow di brug Telefon: 527 4580HuisartsenpostOranjestad583-4200 Pariba di brug Telefon: 524 8833 Centro MedicoSan Nicolas584-4000
Botica na warda
Pabow di brug Pariba di brug
Back to top