Pakete › Cuido di specialista

Bo tin derecho riba cuido di specialista ora bo a consulta cu bo dokter di cas prome y bo a ricibi un carta di referencia di bo dokter di cas pa bo por bay aya (e ‘verwijsbrief’ of carta di referencia). E dokter di cas ta evalua si ta medicamente necesario pa pasa bo pa un specialista. Si e dokter di cas mes por yuda bo e no ta duna bo un carta, ni si bo a haci un cita caba cu e specialista. Pa un solicitud pa un 'second-opinion' tuma contacto cu e consehero medico di e Organo Ehecutivo AZV.

 

Tin cierto tratamento medico cu banda di un verwijsbrief di bo dokter di cas mester di un aprobacion di e consehero medico di AZV. Den un caso asina bo dokter di cas lo informa bo na momento di haci e solicitud. Ta duna aprobacion unicamente den caso di urgencia medico y semper prome cu e tratamento medico. Aki ta sigui e formanan mas frecuente di cuido (tratamento) di specialista pa cual ta rekeri aprobacion prome.

 

Cirugia plastica: den caso cu ta trata di coreccion di defectonan na e fisico, acompaña pa trastornonan   fisico funcional comprobabel;

desfiguracion a causa di enfermedad, accidente of intervencion medico;

paralisis of debilitacion di e klep superior di wowo, causando limitacion comprobabel di e campo visual;

e siguiente defectonan congenito: lip, kakumbein (kaak) y shelo di boca partí na dos, deformacion di e huesonan facial, orea pará, tumor benigno di vaso sanguineo, vaso linfatico of ligamento, como tambe lunar y deformacion di e vianan urinaria y organo genital.

Trasplante di cornea, riñon of medula osea;

Psicoterapia: ta duna aprobacion unicamente si a keda demostra na e satisfaccion di e Organo Ehecutivo cu efecto positivo di e intervencion por ser spera. Si e keda aproba, bo tin derecho riba no mas cu 30 sesion pa aña.

 

Analisis diagnostico manera 'echo' durante embaraso: ta ser cubri unicamente na medida cu nan ta necesario den sentido medico.

Pa un circuncision ta rekeri solamente pa notifica e Organo Ehecutivo prome. E dokter cu ta duna e tratamento mester notifica nos por escrito.

Mester indica ta cua ta e indicacionnan pa e operacion. Solamente si e intervencion ta necesario den termino medico, lo paga p'e.

 

AZV no ta paga e siguiente intervencionnan:

- fecundacion in-vitro

- remedia un sterilisacion cu e persona a haci di su mesun boluntad;

- tur otro transplante di organo cu no ta transplante di riñon of di medula osea (beenmerg).

Un otro tipo di cuido di specialista cu mester di un aprobacion di AZV ta ora bo specialista ta haya necesario pa bo wordo manda exterior

 

Dokter na warda
Pabow di brug Telefon: 527 4580HuisartsenpostOranjestad583-4200 Pariba di brug Telefon: 524 8833 Centro MedicoSan Nicolas584-4000
Botica na warda
Pabow di brug Pariba di brug
Back to top