Pakete › Cuido di dokter di cas

Como asegurado bo por haya asistencia di bo dokter di cas pa cuenta di AZV. E dokter di cas ta declara e gastonan directo cerca e Organo Ehecutivo AZV. AZV no ta paga pa chekeo medico general, manera un chekeo medico pa practica deporte of un chekeo relaciona cu rijbewijs. Bo mes mester paga pa esakinan. 

 

Bo por acudi pa asistencia durante oranan di consulta di e dokter di cas. Si debi na enfermedad bo no por yega te na e consultorio, e ta posibel pa bo pidi pa e dokter di cas bini cerca bo na cas.

Cada asegurado ta scoge, ora di inscripcion na oficina di AZV, un dokter di cas fiho. Cada miembro di famia ta liber pa scoge su propio dokter di cas (pero dentro di e capacidad cu e momento ey tin disponibel). Pero si ta consehabel pa registra henter e famia na e mesun dokter di cas, relaciona cu e formacion adecua di un file. Pa wak un lista di tur e dokternan di cas klik aki.

 

Ta importante pa e dokter di cas ta estableci cerca di bo cas, pa bo por haya asistencia lihe ora ta necesario.

E dokter di cas ta regla su substitucion (reemplaso) su mes, si a causa di circunstancia e ta temporalmente ausente. Riba su contestador automatico e ta bisa cua dokternan di cas ta reemplas'e den e periodo di su ausencia. Ademas e ta publica tal cos den corant y riba e website aki.

Pa garantisa e calidad di e cuido medico, e Organo Ehecutivo AZV tin un acuerdo cu e dokternan di cas, relaciona cu e cantidad maximo di pashent.

 

Esaki ta preveni cu un cifra mucho grandi di asegurado ta registra na e mesun dokter di cas. Por sosode cu durante inscripcion of den caso di un cambio, bo kier scoge pa un dokter di cas cu tin e cantidad maximo di asegurado caba. Den e caso ey bo mester scoge otro dokter di cas.

Si bo kier bay un specialista, prome cu tur cos bo mester acudi cerca bo dokter di cas, pa consulta cune. Si bo dokter di cas ta considera cu ta necesario, e ta duna bo un carta pa bo bay e specialista corespondiente.

 

Pa cuido dental of asistencia pa parto bo por acudi directo na e dentista of e partera.

 

Dokter na warda
Pabow di brug Telefon: 527 4580HuisartsenpostOranjestad583-4200 Pariba di brug Telefon: 524 8833 Centro MedicoSan Nicolas584-4000
Botica na warda
Pabow di brug Pariba di brug
Back to top